Cənubi Afrika Respublikasının sabiq prezidenti Nelson Mandela xəstəxanaya yerləşdirilib. "AFP" agentliyinin CAR-ın prezidenti Ceykob Zumanın administrasiyasına istinadən verdiyi məlumata görə, Mandela plan testlərindən keçmək üçün paytaxt Pretoriya xəstəxanalarından birinə yerləşdirilib. Məlumatda bildirilir ki, "94 yaşlı Nelson Mandelanın yaşına görə vaxtaşırı tibbi müayinədən keçməsi lazımdır".

Qeyd edək ki, CAR-ın ilk qaradərili prezidenti Nelson Mandela sonuncu dəfə bu ilin fevralında xəstəxanaya yerləşdirilmişdi. O, 2010-cu ilin yayında CAR-da baş tutan futbol üzrə dünya çempionatının finalından bəri ictimaiyyət arasına çıxmayıb.