Bu gün Astanada yenidən Qazaxıstan prezidenti seçilmiş Nursultan Nazarbayevin andiçmə mərasimi keçiriləcək. Çərşənbə günü Mərkəzi Seçki Komissiyası aprelin 3-də keçirilən növbədənkənar prezident seçkilərinin nəticələrini açıqlayıb. Rəsmi məlumata görə, fəaliyyətdə olan prezident Nursultan Nazarbayev səslərin 95,55 faizini toplayıb.

İnauqurasiya Astanadakı Müstəqillik salayında keçiriləcək. Mərasimdə Qazaxıstanda akkreditə olunmuş xarici ölkə səfirləri iştirak edəcəklər. Nursultan Nazarbayev ölkənin əsas qanununa, vətəndaşların hüquq və azadlıqlarına əməl edəcəyinə Konstitusiya üzərində and içəcək.