Qazaxıstan prezidenti Nursultan Nazarbayev Türkiyənin Bodrum şəhərinə istirahətə yollanıb. Məlumata görə, qazaxıstanlı dövlət başçısının gəlişi ilə əlaqədar hava limanı və bütün ərazidə yüksək səviyyədə təhlükəsizlik tədbirləri görülüb.

“KazTAQ”ın verdiyi məlumatda isə Nursultan Nazarbayevin Bodruma tək deyil, 3 nazirlə birlikdə gəldiyi bildirilir. Həmçinin Qazaxıstan prezidentinin Türkiyədə ikitərəfli görüşlər keçirəcəyi gözlənilir.

Qeyd edək ki, hazırda Türkiyənin baş naziri Rəcəb Tayyib Ərdoğan da ailəsi ilə birlikdə Bodrumda istirahət edir. ANSPRESS