Amerika Beynəlxalq Kosmik Araşdırmalar Agentliyinə (NASA) aid ofislərdən birində 4.2 qram kokain aşkarlanıb. Bu barədə məluat verən NASA sözçüsü Allard Beutel Florida əyaləti “Kennedi” kosmik mərkəzinin otaqlarından birində stolun üstündə bir miqdar ağ toz tapdıqlarını deyib. Sözçü laboratoriyaya göndərilən tozun kokain olduğunun müəyyənləşdiyini bildirib.

Qeyd edək ki, kokainin mərkəzə necə keçirildiyinin müəyyən olunması üçün artıq istintaq başladılıb. Məlumata görə, güclü təhlükəsizlik tədbirləri ilə mühafizə olunan NASA-da bu artıq 2-ci kokain hadisəsidir. Daha əvvəl 2010-cu ilin yanvar ayında da “Discovery” peykinin saxlanıldığı anbarda da kokain aşkarlanmışdı. Məxfi aparılan istintaqın nətricələri isə ictimaiyyətə açıqlanmamışdı.