Misirdə “Müsəlman qardaşları” Təşkilatının qurduğu “Rabiatul-Adeviyyə” Mətbuat Mərkəzi dünya ictimaiyyətinə müraciət edərək kömək tələb edib.

ANS PRESS-in Türkiyə mətbuatına istinadən verdiyi xəbərə görə, müraciətdə, Rabiatul-Adeviyyə Meydanı və Respublika Mühafizəçiləri qərargahının qarşısında aksiya keçirən Mursi tərəfdarlarının mühasirəyə alındığı bildirilir.

Vurğulanır ki, ordu tərəfindən həkimlərin yaralıları bölgədən çıxarılmasına maneə törədir.

Qeyd edək ki, Respublika Mühafizəçiləri qərargahı qarşısında Məhəmməd Mursiyə dəstək verən mülki əhalinin səhər namazı zamanı ordu tərəfindən atəşə tutulması nəticəsində çoxlu sayda ölən və yaralanan olub.