Çinin Şandong əyalətində Zhang Jixin adlı şagird intizamsız davranışlarına görə müəllim tərəfindən yataqxanadan küçəyə qovulub. Yataqxananı icazəsiz tərk edən Zhang Jixin mağazaya getmək istəyərkən növbətçi müəllim tərəfindən yaxalanıb və soyuq havada saxlanılmaqla cəzalandırılıb.

Şagirdlərin sözlərinə görə, spirtli içki almağa gedən müəllim küçəyə qovduğu şagirdi yadından çıxarıb. Gecə boyunca mənfi 10 dərəcə soyuqda qalan uşaq donaraq dünyasını dəyişib. Jixin adlı şagirdin cəsədini növbəti gün məktəbin qarşısında şagirdlər aşkarlayıb.

Hu Daofa adlı müəllim hadisədən sonra uşağın xəstəlik ucbatında öldüyünü desə də, şagirdlər sinif yoldaşlarının müəllimin verdiyi cəzadan sonra küçədə donaraq öldüyünü söyləyiblər. Hadisə ilə bağlı müəllimə cinayət işi açılıb. Uşağın anası isə oğlunun səhhətində heç bir ciddi problemin olmadığını vurğulayıb. ANSPRESS