Qatı duman üzündən təyyarələr Moskvanın əsas hava limanlarından olan “Vnukovo”ya enə bilmir. “Vesti” telekanalının məlumatına görə, eniş edə bilmən təyyarələr “Domodedovo” və “Şeremetyevo” hava limanlarına istiqamətləndirilir.

“İnterfaks” agentliyinin məlumatına görə, göyərtəsində Rusiyanın baş nazirinin müavini Aleksandr Jukov və jurnalistlər olan Tu-154 M təyyarəsi də bir saatdan çoxdur “Vnukovo” hava limanına enə bilmir və dövrə vurub. Sonradan təyyarə “Şeremetyevo-1” hava limanına istiqamətləndirilib və gecə yarısı ora eniş edib.

“Rossiya” hava yolları şirkətinin nümayəndəsi jurnalistlərə bildirib ki, güclü duman üzündən təyyarələrin “Vunkovo” hava limanına enişinə icazə verilmir. Onun sözlərinə görə, təyyarələr digər hava limanlarına yönləndirilir.