Moskvanın cənub-qərb hissəsində 3 nəfərin xəsarət alması ilə nəticələnən silahlı insident baş verib

ANS PRESS-in Life News-a istinadən verdiyi məlumata görə, hadisə Kaxovka küçəsində yerləşən "Prins" restoranının yaxınlığında baş verib. İki qrup bir-birlərinə söyüş söyərək hədələyiblər. Bir neçə dəqiqədən sonra atəş səsləri eşidilib. Hadisədə xəsarət almış 19 yaşlı Qanik Maqlyan, 23 yaşlı Ararat Sarkisyan və 21 yaşlı Arman Sarkisyan xəstəxanaya aparılıb.

İlkin ehtimala görə, onlara şəxsiyyətləri hələ ki, müəyyənləşdirilməmiş iki şəxs atəş açıb. DİN-in Moskva şəhəri üzrə şəhər idarəsindən verilən məlumata görə, onlar hadisə yerindən BMW markalı avtomobilə minərək qaçıblar.