Moskva meri vəzifəsinə yeni namizədlərin adları açıqlanıb. “Vahid Rusiya” (Yedinaya Rossiya) partiyası prezident Dmitri Medvedevə dörd namizədin adını təqdim edib. Siyahıya nəqliyyat naziri İqor Levitin, Rusiya Federasiyası hökumət apparatının rəhbəri Serqey Sobyanin, Nijeqorod vilayətinin qubernatoru, Moskvanın sabiq meri və Yuri Lujkovun məsləkdaşı Valeri Şansev, eləcə də merin müavini səlahiyyətlərini icra edən Lüdmila Şvetsovanın namizədliyi daxil edilib.

Rusiya prezidentinin mətbuat katibliyindən verilən məlumata görə, dövlət başçısı Dmitri Medvedev artıq təqdim edilən namizədlərin dördü ilə də görüşüb. Hər dörd namizəd Moskvanın rəhbərliyini üzərinə götürməyə hazır olduğu bildirib. Bununla belə, məsələ ilə bağlı yekun qərar təyin olunmuş vaxtda, yəni 10 gün müddətində qəbul ediləcək. ANSPRESS