Gürcüstan prezidenti Mixail Saakaşvili bu ölkənin müsəlman vətəndaşlarını Ramazan bayramı münasibəti ilə təbrik edib.

"Əziz həmvətənlər sizi orucluğun başa çatması və Ramazan bayramı münasibəti ilə təbrik edirəm. Bu gün dünyanın çox ölkəsində müsəlmanlar oruculuğun başa çatmasını qeyd edirlər və yaxşı gələcək üçün dua edirlər. Bu vacib bayrama qoşuluram və Gürcüstanın bütün müsəlmanlarını, bizim cəmiyyətin əziz və ayrılmaz hissəsi olan insanları təbrik edirəm", - deyə prezident öz “Facebook” səhifəsində bildirib.