Gürcüstanın Baş prokurorluğu sabiq prezident Mixail Saakaşvili və sabiq baş nazir Vano Merabişvili haqda yeni cinayət işinin açıldığını elan edib.

ANS PRESS-in məlumatına görə, Saakaşvili deputatın döyülməsində ittiham edilir.

"Mixail Saakaşvili və Vano Merabişvili 333-cü maddəyə əsasən (xidməti səlahiyyətlərin aşılması) məsuliyyətə cəlb edilir", - deyə prokurorluğun bəyanatında deyilir.

Söhbət 2005-ci ildə Gürcüstan parlamentinin deputatı Valeri Qelaşvilinin döyülməsinin təşkilindən gedir.

Saakaşvili, həmçinin 7 noyabr 2007-ci ildə müxalifət aksiyasını dağıtmaqda günahlandırılır.