Gürcüstan birtərəfli qaydada Rusiya ilə viza rejimini rəsmən aradan qaldırıb. ANS PRESS-in Gürcüstan mətbuatına istinadən verdiyi məlumata görə, Gürcüstan prezidenti Mixail Saakaşvili bununla bağlı müvafiq fərman imzalayıb. Yeni qaydalara görə, Rusiya vətəndaşları vizasız Gürcüstan ərazisində 90 gün qala bilər.

Məsələ ilə bağlı rusiyalı jurnalistin sualını cavablandıran prezident Mixail Saakaşvili ölkəsinin Rusiya ilə normal qonşuluq münasibətlərində maraqlı olduğunu bildirib. “Mən Gürcüstanı çiyinlərimə götürüb Meksikaya yaxın yerə apara bilmərəm“, - deyə o vurğulayıb.