Misirin paytaxtı Qahirədə xristianlarla (qıptılar - xristian ərəblər) müsəlmanlar arasında baş verən toqquşma nəticəsində 10 nəfər öldürülüb. ANS PRESS-in BBC-yə istinadən verdiyi xəbərə görə, ölənlərin hamısı Misirin qıptılardır.

İlkin məlumatlara görə, insident nəticəsində 100-dən artıq insan yaralanıb.

Qeyd edək ki, Misirdə vətəndaşların əksəriyyəti müsəlmanlardır. Qıptılar və provoslavlar əhalinin 10 faizini təşkil edirlər.

Münaqişə qıptıların kilsənin yandırılmasına etiraz əlaməti olaraq yolu bağlaması, bunun isə trassdan keçən müsəlman əhalinin narazılığına səbəb olması nəticəsində baş verib. Artıq ikinci gündür davam edən aksiyada təqribən min adam iştirak edib. ANSPRESS