Misirdə daha bir nəfər quş qripindən dünyasını dəyişib. Bu barədə CNNTürk yerli mətbuata istinadən xəbər yayıb. Xəbərə görə, Nil deltasındakı Dahaliyə şəhərində dünən vəfat edən şəxsin ölüm səbəbləri araşdırılarkən, onun A/H5N1 virusundan dünyasını dəyişdiyi aşkarlanıb.

Qeyd edək ki, Misirdə quş qripinin aşkar edildiyi 2006-cı ildən bu yana bu virusdan 95 adam həlak olub. Bu il isə virus 10 nəfərin həyatına son qoyub.