Misirin İsraillə sərhəddəki Sinay yarımadasında qaz kəmərində partlayış baş verib. Partlayış nəticəsində başlayan yanğını uzaq məsafədən, hətta Qəzza zolağından da görmək mümkün olub.

Partlayışın baş verdiyi qaz kəməri ötən ilin aprelinədək Misirin Aralıq dənizi sahilindəki Port-Səid şəhərindən İsrail və İordaniyaya qaz nəql edirdi. Apreldə Misirin dövlət qaz şirkəti İsrailin borclarını ödəmədiyi üçün bu ölkəyə qaz nəqlini dayandırdığını bəyan etmişdi.