Naməlum şəxslər Misirin Mənsurə şəhərində polis məntəqəsinə bomba atıblar. ANS PRESS-in Reyter agentliyinə istinadən verdiyi məlumata görə, baş vermiş partlayışda 5 polis ölüb, 18 nəfər yaralanıb. Partladıcı qurğunu polis məntəqəsinə avtomobildə hərəkət edən naməlum şəxslər atıb. Yaralananların əksəriyyətini polis əməkdaşları təşkil edir.

Bundan bir gün öncə paytaxt Qahirənin bir neçə rayonunda keçmiş prezident Məhəmməd Mursinin tərəfdarları ilə əleyhdarları arasında baş vermiş qızğın toqquşmalarda 9 nəfər ölüb, 86 nəfər yaralanıb.