ABŞ-ın birinci xanımı Mişel Obama uşaqların və yeniyetmələrin ifrat kökəlməsinə qarşı mübarizə çərçivəsində hip-hop treklərindən ibarət albom buraxacaq. ANS PRESS "The Hollywood Reporter"a istinadən bildirir ki, Amerika prezidentinin arvadının özünün albomda səs yazısı olmayacaq, amma mahnıları ifa edəcək musiqiçiləri o seçəcək.

Onların sırasına "Blink 182"nin zərbçisi Trevis Barker, reqqi-musiqiçi Matisyahu, "American Idol" musiqili realiti-şounun qalibi Cordin Sparks və başqaları yera alıblar. Albom birinici xanımın "Gəlin hərəkət edin!" (Let's Move!) proqramının çərçivəsində buraxılacaq. Proqramda birinci xanım sağlam həyat tərzini, düzgün qidalanmanı və fitnesi təbliğ edir. Bu kampaniya üç il qabaq uşaqlar və yeniyetmələr arasında piylənmə ilə mübarizə üçün işə salınıb.