“Forbes” jurnalı milyarderlərin yeni siyahısını açıqlayıb. Reytinqə görə dünyanın ən varlı adamı meksikalı telemaqnat Karlos Slimdir. Yeni siyahıda milyarderlərin sayı 200 nəfər artıb. Milyarderlərin arasında siyahıda 100 rusiyalının adı var. Həmyerlimiz Vahid Ələkbərov milyarderlərin sıralamasında 50-cidir. Onun sərvətinin 13,9 milyard dollar olduğu bildirilir.

Kalos Slim artıq ikinci dəfədir dünyanın ən varlı adamı olur. Onun varidatı 64 milyard dollardır. Meksikalı telemaqnat ötən il 20 milyard dollara yaxın qazanc əldə edib. Siyahıda ikinci yeri “Microsoft”un rəhbəri Bill Geyts, üçüncü yeri isə investor Uorren Baffet tutur.

Hazırda dünya milyarderlərinin sayı 1210 nəfərə çatıb. Ötən il bu rəqəm 1011 idi. “Forbes”in məlumatına görə, Çin milyarderlərinin sayı iki dəfə artıb və 115-ə yüksəlib.