Meksikanın paytaxtı Mexikonun bələdiyyə şurası eyni cinslilər arasında nikahı qanuniləşdirib. Bu barədə qanun layihəsinə 30 deputat səs verib. 20 nəfər təklifin qəbul olunmasına qarşı çıxıb, 5 nəfər isə bitərəf şalıb.

Mexiko Latın Amerikasında təkcinsli nikahların qanuniləşdirildiyi ilk şəhər olub. Ümumilikdə dünyada belə nikahlara cəmi 7 ölkədə və ABŞ-ın bir neçə ştatında icazə verilib. Düzdür, bəzi ölkələrdə eyni cinsdən olan şəxslər arasında ittifaqa icazə var. Amma belə ittifaqların iştirakçıları tam ər-arvad hüquqlarına malik deyillər. ANSPRESS