İngiltərənin “Mançester Yunayted” komandasının ulduz oyunçusu Rayan Qiqqz qalmaqallı bir xəbərlə dünyanın gündəminə yerləşib. Daha əvvəl “Qəfəs” ('Big Brother) tele-şousunun qalibi olmuş İmocen Tomasla yasaq sevgi münasibəti yaşadığı üçün pərəstişkarlarında xəyal qırıqlığı yaradan Qiqqz növbəti yasaq münasibətlə qalmaqal yaradıb. Yerli mətbuat 38 yaşlı Rayan Qiqqzin öz qardaşının həyat yoldaşı ilə yasaq eşq macərası yaşadığını iddia edib.

“News Of The World” qəzetinin iddialarına görə, Rayan Qiqqz qardaşı Rodrinin arvadı Nataşa ilə 8 il əvvəl tanış olub. Yüksək məbləğdə təzminat ödəyərək İmocen Tomasla olan yasaq münasibətini bitirən Qiqqz daha sonra öz həyat yoldaşını dəfələrlə Nataşa ilə aldadıb.

Xatırladaq ki, Rodri Nataşaya 2005-ci ildə evlənmək təklif etsə də cütlük ancaq 5 il sonra – 2010-cu ildə ailə qurub. Mətbuat isə Rayan və Nataşa cürlüyünün 2006-cı ildə bir oteldə birlikdə olduqlarını, axırıncı dəfə isə aprel ayında görüşdüklərini iddia edib.