Yayın gəlişi ilə Avropanın müxtəlif ölkələrini güclü meşə yanğınları bürüyüb və min hektarlarla yaşıllıqlar tələf olub. Bu gün isə isti hava şəraiti və güclü külək səbəbindən Yunanıstanda dörd iri meşə yanğını ocağı qeydə alınıb. ANS PRESS-in “İnterfaks”a istinadən verdiyi xəbərə görə, son 24 saat ərzində ölkədə 58 yanma ocağı qeydə alınıb. Lakin bu yanğınların əksəriyyəti söndürülüb.

Ümumilikdə, baş verən yanğınlar Yunanıstanda 3 min hektar meşə ərazisini məhv edib. Daha təhlükəli yanğınlar isə Evbey, Skopelos adalarında, həmçinin Korinf və Afina yaxınlığında baş qaldırıb.

Xatırladaq ki, həmçinin İspaniyanı da bir həftədən artıqdır ki, meşə yanğınları öz cənginə alıb. /ANS PRESS/