Gürcüstan Mərkəzi Seçki Komissiyasının sədri Zurab Kharatişvili, prezident seçkilərinin vaxtına az qalmış, vəzifəsindən istefa vermək qərarına gəlib.

ANS PRESS-in Gürcüstan mətbuatına istinadən verdiyi xəbərə görə, yaxın adamları, Kharatishvilinin prezidentliyə namizədliyini vermək niyyətində olduğunu bildiriblər.

Kharatişvilinin isə bu gün keçirəcəyi mətbuat konfransında bu məsələyə aydınlıq gətirəcəyi gözlənilir. O, oktyabrın 27-də keçiriləcək prezident seçkilərində iştirak etmək niyyətini bu gün açıq şəkildə elan edəcək.

MSK sədrinə yaxın mənbələrdən daxil olan məlumatda qeyd olunur ki, Kharatishvili, tutduğu vəzifədən istefa ərizəsini artıq parlamentə göndərib. Parlament isə 15 gün ərzində ərizəyə baxaraq, ona cavab verəcək.

Belə hesab olunur ki, əgər Parlament ərizəni təsdiq edərsə, Kharatişvili dərhal vəzifəsindən azad ediləcək.