ABŞ-ın Masaçusets ştatında Dorçester ibtidai məktəb direktorunun, şagirdlərlə mərcə girməsi ona baha başa oturub. Castin Vernon uşaqlarda mütaliə həvəsi yaratmaq məqsədilə uşaqlarla çətin şərt kəsib. Mərcin şərtinə görə, şagirdlər bir il ərzində ümumilikdə 10 min kitab oxumalı olub. Gözlənilmədən ilin sonunda bu şərt yerinə yetincə, mərci uduzmuş direktor, söz verdiyi kimi uşaqların önünə Ledi Qaqa qiyafəsində çıxıb və inəkdən süd sağıb. Unikal mərc valideynlərin də etimadını qazanıb. Valideynlərdən biri direktorun kəsdiyi mərcdən sonra qızının daha çox kitab oxumağa başladığını bildirib.