Meksikada uşaq bağçalarından birində güclü yanğın baş verib. Hadisə nəticəsində 29 uşaq həlak olub, bir neçə azyaşlı isə xəsarət alıb. ANS PRESS-in rbc.ru saytına istinadən verdiyi məlumata görə, yanğına səbəb uşaq bağçasının yaxınlığında yerləşən maşın təmiri sexində başlayan alovlanma olub.
Qeyd edək ki, hadisə zamanı bağçada altı aydan beş yaşadək 100 uşaq olub. Hadisənin digər təfərrüatları hələ ki məlum deyil. /ANS PRESS/