Meksikanın şimalındakı Çiuaua şəhərində bir qrup silahlı şəxs barı gülləbaran edib. ANS PRESS-in BBC-yə istinadən verdiyi məlumata görə, hadisə nəticəsində azı 15 nəfər ölüb. Ölənlərin arasında iki jurnalist də var. Amma polis hesab edir ki, hücumun hədəfi onlar olmayıblar.

Hələlik hücumun arxasında kimin dayandığı və hadisənin motivi məlum deyil.

Çiuaua şəhərində əvvəllər də dəfələrlə qanlı toqquşmalar olub. Belə ki, fevralın əvvəllərində şəhərdəki əyləncə məkanlarından birində konsert zamanı 9 nəfər, o cümlədən, 5 musiqiçi güllələnmişdi.