Bu gün Meksikada Verakrus və Tabasko ştatlarının sərhəddində Tonola çayının üzərindən keçən 200 metrlik avtomobil körpüsü uçub. Hadisə nəticəsində üç nəfər həlak olub. ANS PRESS-in “RİA-Novosti”yə istinadən verdiyi xəbərə görə, bu barədə Tabasko ştatının qubernatoru Andres Qranier Melo məlumat verib.

Onun sözlərinə görə, uçan körpü ilə yanaşı beş avtomobil də çaya düşüb. Maşınların içərisində neçə nəfərin olduğu hələ məlum deyil.

Yerli kütləvi informasiya vasitələri səkkiz nəfərin öldüyü barədə xəbər yayıblar.

Hadisə yerində xilasetmə işləri aparılır, dalğıclar avtomobilləri sahilə çıxarmağa çalışırlar.

İlkin məlumatlara görə, körpünün uçmasına konstruksiyalarda hansısa nöqsanların olması səbəb ola bilər. /ANS PRESS/