Misirdə hərbi çevriliş nəticəsində devrilmiş prezident Məhəmməd Mursi müxalifət tərəfdarı olan nümayişçilərin "öldürülməsinə çağırış" maddəsi ilə mühakimə ediləcək. Bu barədə Misirin dövlət televiziyası xəbər verir.

Misir prokurorluğu Mursinin və "Müsəlman Qardaşlığı" hərəkatının daha 14 üzvünün işini Qahirə cinayət məhkəməsinə göndərib.

Onların hamısı 2012-ci ilin dekabrında 7 nəfərin ölümü ilə nəticələnən iğtişaşlarla bağlı iş çərçivəsində zorakılığa və qətlə çağırış etməkdə ittiham olunurlar.