Hollandiyanın “Mars When” şirkəti Qırmızı planetdə qəsəbə salmaq üçünü könüllülər yığır. Şirkətin proqramına görə, qəsəbəsalma, realiti şou formatında həyata keçiriləcək. Müvafiq müsahibələrdən sonra uğurlu namizədlərin 2023-cü ildə Mars planetinə yollanacağı bildirilir. Proqramın ən ağır şərti ondan ibarətdir ki, Qırmızı planetə uçmağa razı olan könüllülər bir daha yer planetinə qayıda bilməyəcək.

Müsahibələrin keçirilməsi ilə bağlı dəqiq tarixlər açıqlanmasa da, ərizələrin artıq iyul ayından qəbuluna başlanacaq. Layihənin rəhbəri Baz Landsorpun sözlərinə görə, ərizə 1 dəqiqəlik video şəklində olacaq və ərizəçilər həmin vaxt ərzində özləri haqqında məlumat verməli olacaq. Onlardan bəziləri internetdə baxış üçün açıq qoyulacaq. Şirkətin bu barədə bildiriş sisteminə artıq 45 minə yaxın insan abunə olub. Seçimlərdə əsas tələblərdən biri ərizəçilərin 18 yaşdan yuxarı və sağlam olmasıdır. Elmi-texniki təhsili olan insanlara üstünlük veriləcəyi bildirilir. 2015-ci ilin iyul ayında 24 könüllü seçildikdən sonra onlar 7 il ərzində Marsa yollanmaq üçün müvafiq hazırlıq kursu keçəcək.