Uruqvayda marixuana aptekdə 1 qramının qiyməti 20-22 pesoya (85-95 sentə) satılacaq.

ANS PRESS-in məlumatına görə, bu barədə ölkə prezidentinin təmsilçisi Dieqo Kanepa bildirib.

Onun sözlərinə görə, marixuana almaq hüququ bir nəfər üçün həftədə 10 qram və ayda 40 qramdan artıq olmayacaq.

Marixuana yalnız “kannabis alıcısı” kimi qeydiyyatdan keçmiş Uraqvay vətəndaşları ala biləcəklər. Alıcılar anonimlik saxlanılmaqla barmaq izlərinə görə müəyyən ediləcək.