Mali Respublikasının baş naziri Modibo Sidibe ölkədəki prezident seçkilərinə bir il qalmış istefa ferib. Məlumatı bu gecə “Reuters” agentliyi prezident Amadu Tumani Turenin kommünikesinə istinadən yayıb. 2007-ci ildən Mali hökumətinə başçılıq edən Modibo Sidibenin istefasının səbəbləri məlum deyil. Prezidentin sözlərinə görə, yeni hökumət yaxın vaxtlarda formalaşdırılacaq.

Amadu Tumani Ture 2002-ci ildən Mali prezidentidir və 2007-ci ildə sonuncu müddətə dövlət başçısı seçilir. O dəfələrlə bəyan edib ki, 2012-ci ildəki prezident seçkilərində iştirak etmək hüququ qazanmaq üçün Konstitusiyaya dəyişiklik etmək niyyətində deyil.

Mali bölgənin iri pambıq ixracatçısıdır və Afrikada qızıl hasilatının həcminə görə üçüncü yeri tutur.