Mahaçqalada antiterror əməliyyati çərçivəsində qanunsuz silahlı dəstənin bir üzvü zərərsizləqdirilib. Silahlının gizləndiyi evin ətrafındakı küçələrdə antiterror əməliyyatı rejimi elan edilib.

Dağıstan DİN-in mətbuat xidmətindən “İnterfas” agentliyinə verilən məlumatına görə, silahlı çoxmərtəbəli yaşayış binasındakı mənzillərdən birində gizlənib. O, hüquq-mühafizə orqanları əməkdaşlarının təslim olmaqla bağlı xəbərdarlığına rədd cavabı verib. Bundan sonra atışma başlayıb. Nəticədə silahlı öldürülüb, Rusiya Federal Təhlükəsizlik Xidmətinin bir xüsusi təyinatlısı yalanıb.

RİA “Novosti”nin yaydığı məlumata görə, əməliyyat yerli vaxtla saat 07.15-də (Bakı vaxiı ilə saat 08.15) İrçi Kazak küçəsində başlayıb. Əməliyyatın keçirildiyi ərazidə xüsusi tədbirlər görülüb, sənədlər yoxlanılır, ictimai asayişin mühafizəsi gücləndirilib, eləcə də nəqliyyatın hərəkətinə məhdudiyyətlər qoyulub. ANSPRESS