Dağıstanın Mahaçqala şəhərində dünən axşam üç silahlı şəxs restorana basqın edib. Bu barədə “İnterfaks”a Dağıstan Daxili İşlər Nazirliyinin Mətbuat Xidmətindən məlumat veriblər. Müsahib agentliyə bildirib ki, təxminən saat 23:45 radələrində “Luvr” restoranı yerləşən Akuşinski küçəsinə 3 nəfər maskalı və silahlı şəxs gəlib.

“Onlar göyə atəş açıblar və restorana qaynar maye töküblər. Müştərilərdən biri silahlılara mane olmaq istəyib, lakin o, başına vurulan güllə ilə öldürülüb. Basqınçılar restoranı yandırıb və hadisə yerindən qaçıblar. Restoran tamamilə yanıb”, deyə DİN-in Mətbuat Xidmətinin nümayəndəsi qeyd edib. ANSPRESS