ABŞ-ın Los-Anceles Səhiyyə Departamenti ştat sakinlərinə yerli yarasaların quduzlaşması ilə əlaqədar təhlükə barədə xəbərdarlıq edib. ANS PRNSS-in “BBC”yə istinadən verdiyi xəbərə görə, departamentin məlumatında bildirilir ki, bu il ərzində regionda quduzluq virusuna yoluxmuş 21 yarasa cəsədi tapılıb. Bu digər illərlə müqayisədə iki dəfə artıqdır.

Departament rəhbəri Conatan Fildinq bildirib ki, yoluxmuş heyvanların sayının artma səbəbi məlum deyil.
"Quduzluq virusu yolxucudur və insanların ölümü ilə nəticələnə bilər. İnsanların özləri və ev heyvanları üçün potensial təhlükəni dərk etmələri çox vacibdir. Çünki yarasaların əksəriyyəti evlərin yaxınlığından tapılıb”, - deyə Fildinq əlavə edib.

O insanların özlərini və heyvanlarını nəzarət altında saxlamalarını xahiş edib.
Qeyd edək ki, bu il yarasaların hələ ki, bir insanı dişləməsi barədə məlumat var.