Londondan Çikaqoya uçan təyyarə qəza enişi edib. "Vesti.ru"nun məlumatına görə, Boeing-767 təyyarəsi İslandiyada eniş edib. Enişə səbəb, 178 sərnişini olan təyyarədə baş verən tüstülənmə olub. Eniş zamanı təyyarədə olan sərnişinlərdən heç biri xəsarət almayıb.

Sərnişinlər başqa təyyarə ilə yollarını davam etdiriblər.

Xatırladaq ki, son iki ayda üç böyük təyyarə qəzası baş verib. İyun ayının 1-də Brazilyadan Parisə uçan təyyarənin Atlantik okeanına düşməsi nəticəsində 228, Yəmən hava yollarına məxsus təyyarənin Hind okeanına düşməsi nəticəsində 142, İran-İrəvan reysini həyata keçirən təyyarənin qəzaya uğraması nəticəsində isə 168 nəfər ölüb. /ANS PRESS/