Londonda polislərlə “G-8” sammitinə etiraz edən aksiyaçılar arasında qarşıdurma baş verib. ANS PRESS “İhlas” agentliyinə istinadən xəbər verir ki, Londonun Soho ərazisində aksiyaçıların işğal etdiyi binaya hücum edən polislər 57 etirazçını saxlayıb. Məlumata görə, 1 200 polisin həyata keçirdiyi əməliyyat zamanı aksiyaçılar 18 metrlik binanın damına çıxaraq qaçmağa çalışsalar da, sərt müdaxilə ilə qarşılaşıblar. Başından ağır yaralanan bir aksiyaçı xəstəxanaya çatdırılıb.

Qeyd edək ki, Almaniya, Fransa, Hollandiya, Belçika, İspaniya kimi müxtəlif Avropa ölkələrindən gələn aksiyaçıların qaldığı binadakı bütün əşyalar küçəyə atılıb.