Liviyanın paytaxtı Tripolinin 30 kilometrliyində Liviya Milli Keçid Şurasının silahlı dəstələri arasında toqquşmalar baş verib. Müammər Qəddafi rejisinin devrilməsində iştirak edən dəstələr arasında döyüşlər iki gündür davam edir.

Döyüşlərin vaxtilə Müammər Qəddafinin oğlu Xamisin rəhbərlik etdiyi 32-ci xüsusi təyinatlı briqadanın məşq bazası uğrunda getdiyi bildirilir. Şahidlərin sözlərinə görə, dəstələr bir-birilərinə qarşı ağır texnika və iriçaplı pulemyotlardan istifadə edir. Yerli sakinlər təşviş içərisində evlərini tərk edir. Yaralıların olduğu barədə məlumatlar var.