Rusiyanın əyalət mərkəzlərinin birində küçədə ləzginka oyanayanlar saxlanılıb. Stavropol vilayətinin Daxili İşlər İdarəsinin növbətçi hissəsinə şəhərdə “Qudness” adlanan kafenin yaxınlığında bir qrup gəncin səs-küy salaraq, olduqca yüksək musiqi sədaları altında rəqs edib, ictimai asayişi və vətəndaşların rahatlığını pozması barədə məlumat daxil olub.

İmprovizə olunmuş “konsert” yerinə gələn milis əməkdaşları rəqqasları sakitləşdirməyə çalışsa da, onlar buna heç bir məhəl qoymayıblar. Qanuna tabe olmadıqlarına görə, 13 rəqqas saxlanılaraq “lazımi yerə” aparılıblar. Onlardan 6 nəfəri yerli təhsil ocaqlarının tələbəsi, 7 nəfəri isə Dağıstandan təşrif buyurmuş qonaqlar olub.

"Qeyri-etik" davranışa görə, onların hər biri 5-12 sutkalıq inzibati məsuliyyətə cəlb olunublar. ANSPRESS