Meksikanın kurort şəhəri olan Masatlandakı (Mazatlan) Las Herraduras barına daxil olan naməlum silahlı şəxslər insanlara atəş açıblar. Meksika Baş prokurorluğunun nümayəndəsi Martin Qastelum (Martin Gastelum) silahlı insident zamanı 6 nəfərin həlak olduğunu bildirib.

Hüquq-mühafizə orqanlarının verdiyi məlumata görə, silahlı basqında 3 nəfər iştirak edib və onların hamısı hadisə yerindən qaçmağa müvəffəq olublar.

Qeyd edək ki, Masatlan mafioz qruplarının məskunlaşdığı Sinaloa ştatında yerləşir.

Meksika Latın Amerikası və ABŞ-dan gətirilən narkotik vasitələrin əsas yükboşaltma bazasıdır. Ekspertlərin hesablamalarına görə, hər il bu ölkə ərazisindən ABŞ-a külli-miqdarda narkotik maddə keçirilir. ANSPRESS