Türkiyədə və Yaxın Şərq ölkələrində minlərlə pərəstişkarı olan, Azərbaycanda da kifayət qədər tamaşaçı kütləsinə sahib “Kurtlar Vadisi Pusu” serialı nəhayət başlayır. Türkiyənin siyasi gündəmindəki məsələləri özünəməxsus şəkildə işıqlandıran film yeni kanalı “TNT”-də sentyabrın 15-də həmişəki vaxtda və saatda yeni mövsümün nümayişinə başlayır.

Qeyd edək ki, ekranda 9-cu ilinə başlayan serial ilk dəfə Türkiyənin “Show” telekanalında nümayiş olunub. Film daha sonra sıra ilə kanal “D”-də, “Star”da və “atv”-də nümayiş olunub.

Filmin prodüsserləri yeni mövsümdə növbəti dəfə fərqli kanalda yayımlanacaq serialın əvvəlki reytin rekordlarını əldə edəcəyini ümid edir.