İslandiyada püskürən vulkanın yaratdığı kül buludunun fəsadları Türkiyədə də özünü göstərməyə başlayıb. Türkiyə mətbuatının məlumatına görə, Dövlət Hava Meydanları İdarəsi yerli vaxtla saat 15:00-dan etibarən Çanakqala Boğazı və Trakya şəhəri üzərində uçuşları məhdudulaşdırıb. Məhdudulaşdırma 4 saat müddətində davam edəcək.

Qurumdan verilən yazılı açıqlamaya görə, kül buludu Afina-Sofiya-İstanbul hava sahəsinə təsir etməyə başlayıb. Bundan əlavə, Çanakqala Hava Limanının qapadılacağı qeyd edilib.

Qeyd edək ki, bir neçə gün əvvəl kül buludu Britaniya, Fransa, Almaniya, İtaliya, İspaniya, Portuqaliya kimi ölkələrdə hava nəqliyyattında fəsadlar yaratmışdı. İspaniya 16 hava limanını bağlamışdı. ANSPRESS