Kriminal aləmdə artıq slavyan qruplaşmalarının lideri olmuş "Yaponçik"in varisi haqqında danışılır. Söhbət "Xitrıy Lyonya" ləqəbli “qanuni oğru” Aleksey Petrovdan gedir. Rusiya KİV-i ölkənin xüsusi xidmət orqanlarına istinadən yaydığı məlumata görə, 47 yaşlı Aleksey Petrov üç dəfə məhkum olunub. Məhkumluq zamanı "Yaponçik" ona "qanuni oğru" adı verib.

Əməliyyatçıların məlumatına görə, ötən əsrin 90-cı illərin sonunda "Yaponçik" ABŞ-a gedəndə, Petrov da ölkəni tərk etmişdi. Orada o, Rusiya mafiyasının liderlərindən biri hesab edilirdi.

Petrov uzun müddət Rusiyada görünmədi. Lakin "Yaponçik"in qayıdışından sonra Moskvada tez-tez görünməyə başladı. Onlar tez-tez Moskvada görüşürdülər.

“Petrovun bu vəzifənin öhdəsindən necə gələcəyini demək çox çətindir. Axı o, hələ də vaxtının çoxunu xaricdə keçirir”, - deyə RF DİN-dəki mənbə qeyd edib.ANSPRESS