Rusiya Daxili İşlər Nazirliyinin Mərkəzi federal dairə üzrə Baş İdarəsinin əməkdaşları Vladimir vilayətinin Daxili İşlər İdarəsi nümayəndələrilə birgə Moskvada fırıldaqçılıqla məşğul olan kriminal avtoriteti yaxalayıb. O, Moskvanın cənub-şərqindəki Volqoqrad prospektində yerləşən mənzildə ələ keçib.

“Vladimir vilayətinin Petuşin rayonunda kriminal fəaliyyətə nəzarət edən və fırıldaqçılıqda şübhəli bilinən şəxs yaxalanıb”, - deyə Rusiya DİN-dən bildiriblər.

Saxlanılan 36 yaşlı Qazaxıstan mənşəli “qanuni oğru” kriminal aləmdə “Belyay” ləqəbi ilə tanınır.

“O, artıq iki dəfə məhkum edilib. Ümumilikdə isə 8 il həbsxana həyatı yaşayıb”, - deyə DİN-in məlumatında bildirilir. ANSPRESS