Böyük Britaniya kraliçası II Yelizaveta ilk dəfə Roma Papası Fransıskla ilə görüşüb. ANS PRESS-in məlumatına görə, görüş zamanı II Yelizaveta Roma Papasına viski şüşəsi və 10 yumurta hədiyyə edib. Kraliça bu hərəkətlə Roma Papasını təəccübləndirmək istədiyini deyib. O bildirib ki, papaya qeyri-adi bir şey bağışlamaq istəyib.

Öz növbəsində Fransısk kraliçaya daş xaç hədiyyə edib. Bu hədiyyə kraliçanın nəticəsi şahzadə Corc üçün nəzərdə tutulub.

Qeyd edək ki, ötən gün II Yelizaveta İtaliya prezidenti Corco Napolitanoyla Kvirinalski sarayında səhər yeməyi yeyib və sonra kral korteji Vatikana yola düşüb. Gözlənildiyi kimi Roma Papasıyla görüş qısa olub və təxminən 30 dəqiqə davam edib.