Səudiyyə Ərəbistanının kralı Abdullah bin Əbdüləziz, Misirdə prezident seçkiləri keçirilənə qədər ölkəni idarə edəcəyi elan olunan Mənsura təbrik mesajı göndərib. ANS PRESS-in xarici mətbuata istinadən verdiyi məlumata görə, Əbdüləziz Misirin baş qərargah rəisi Abdulfəttah əs-Sisiyi də təbrik edib.

Əbdüləziz Konstitusiya Ali Məhkəməsinin başçısı Mənsura göndərdiyi təbrik məktubunda bunları yazıb:

“Sizi, Misirin bu böhranlı dövründə ölkəni idarə edəcək olmağınızla təbrik edirik. Allaha, qardaş Misir xalqının xəyallarını reallaşdırmaq yolunda yükünüzü yüngülləşdirməsi üçün dua edirik. Misir ordusunu, General Abdulfəttah əs-Sisinin şəxsində təbrik edir, ölkəni hara çıxdığı məlum olmayan bu tuneldən çıxardıqları üçün təbriki borc bilirik. Allah Misirin sabitliyini və təhlükəsizliyini qorusun”.