Kolumbiyada 16 nəfərin ölümü, 40-dan çox insanın yaralanması ilə nəticələnən ağır yol nəqliyyat hadisəsi baş verib. Ölənlərin əksəriyyətinin xarici ölkə vətəndaşları olduğu bildirilir. Polisin verdiyi məlumata görə, qəza paytaxt Boqotadan 30 km aralıda baş verib. Qəzaya səbəb içərisində turistlərin olduğu avtobusun sürücüsunun idarəetməni itirməsi olub.

Qarşı yola çıxan avtobus bir neçə minik avtomobili və sərnişin avtobusu ilə toqquşub. Bundan sonra isə avtobus 9 metr hündürlükdən yuvarlanaraq dərəyə düşüb.

İlkin versiyayra görə, qəzaya səbəb turist avtobusunun əyləcinin sıradan çıxması olub. ANSPRESS