Yunan Kiprinin keçmiş prezidenti Tasos Papadopulosun ötən il oğurlanmış cəsədi taplıb. Kipr polisi cəsədin paytaxtdan kənardakı məzarlıqlardan birində aşkarlandığını bildirib. Ailə cəsədin onlara məxsus olduğunu təsdiqləsə də, qalıqların üzərində DNT analizi aparılıb və cəsəd qalıqlarının T.Papadopulosa məxsus olduğu təsdiq edilib. Məlumata görə, polis cəsədi anonim məlumat əsasında tapa bilib.

Qeyd edək ki, Tasos Papadopulos 2003-2008-ci illərdə yunan Kiprinə rəhbərlik edib. O, ötən il dekabrın 12-də 74 yaşında ikən ağciyər xərçəngindən dünyasını dəyişib. Onun meyidi ölümünün birinci ildönümünə bir neçə gün qalmış məzarından oğurlanmışdı. ANSPRESS