Azərbaycan, Ermənistan və Rusiya prezidentləri arasında növbəti görüş iyunun 24-də keçiriləcək. ANS PRESS-in Kremlin rəsmi saytına istinadən verdiyi məlumata görə, İlham Əliyev və Serj Sarkisyan Rusiya prezidenti Dmitri Medvedevin dəvəti ilə Kazan şəhərində keçiriləcək atçılıq üzrə ənənəvi Rusiya Federasiyası prezidenti kuboku yarışlarını izləyəcəklər.

Görüş zamanı Dağlıq Qarabağ münaqişəsinin həlli məsələsinin müzakirə ediləcəyi planlaşdırılır.
Bundan əvvəl prezidentlər arasında üçtərəfli görüşün iyunun 25-də keçiriləcəyi bildirilirdi.

Qeyd edək ki, bu, 2008-ci ildən bəri prezidentlərin üçtərəfli formatda 9-cu görüşü olacaq. Onlardan birincisi 2008 -ci ilin noyabrında Moskvada, sonuncusu isə 2011-ci ilin martında Soçidə keçirilib. ANSPRESS