Kanada rus hərbçilərinə 24 saat vaxt verib. ANS PRESS-in məlumatına görə, Kanadada hərbi təlim keçən doqquz rus hərbçisinə ölkəni tərk etmək üçün 24 saat vaxt verib.

Bu hərbçilərdən altısı Kvebekdə ingilis və fransız dilini öyrənirdi. İki rus hərbçi CFB Gagetown hərbi bazasında təlim keçirdi. Daha bir nəfər isə Kanada əsgərlərinə rus dili öyrədirdi.

Qeyd edək ki, Kanadanın baş naziri ötən gün ölkəsinin Krımda keçiriləcək referendumu tanımadığını bildirib. Bunadək isə Kanada dövlət əmlakını mənimsəməkdə günahlandırılan 18 ukraynalı məmurun aktivlərini dondurub.