Ötən axşam Rusiyanın Kabardin-Balkar bölgəsinin Elbrus rayonunda partlayış verib. Hüquq-mühafizə orqanlarının məlumatına görə, avtomobilin partlaması nəticəsində bir yerli sakin həlak olub. Partlayış yerli vaxtla saat 18 radələrində (Bakı vaxtı ilə 19 radələrində) Elbrus qəsəbəsindəki qəbiristanlığın yaxınlığında qeydə alınıb. Maşında olan 32 yaşlı yerli sakin aldığı xəsarətlər nəticəsində dünyasını dəyişib.

İlkin məlumatlara görə, həlak olan şəxs gizli silahlı dəstənin liderlərindən birinin qardaşıdır. Onun qardaşı ötən ilin yayında keçirilən xüsusi əməliyyat zamanı öldürülüb.