Fransanın keçmiş prezidenti Jak Şirakın xanımı Bernadett Şirak avtomobil qəzasına düşüb. Qəza Korrez regionunda Şirak ailəsinə məxsus Biti qəsrini tərk edən keçmiş birinci xanım "Şanel" şirkətinin təşkil etdiyi ziyafətə özünü tez çatdırmaq istəyən zaman olub.

B.Şirak sürücüsünə sürəti artırmağı əmr edib. Axşam qaranlığında Paris istiqamətində böyük sürətlə hərəkət edən avtomobil yoldan keçən maralla toqquşub. Maşın yararsız hala düşsə də, xoşbəxtlikdən Bernadett Şirak və onu müşayiət edən cangüdənlər ancaq yüngül xəsarətlə canlarını qurtarıb.

Yol polisi hadisə barədə yalnız yerli vaxtla saat 23.30-da xəbər tutaraq və qəza baş verən yerə gedib.
B.Şirak və onu müşayiət edənlər başqa bir avtomobillə Parisə yola salınıb.